UA-153487531-1 Teks Pidato Cilik dalam Bahasa Aceh: Gaseh Salah Meuphom - Aini Aziz

Teks Pidato Cilik dalam Bahasa Aceh: Gaseh Salah Meuphom


salimunj[.]com

Assalamu’alaikum warahmatullahi wabarakaatuh 

Segala pujo marikeuh sama-sama geutanyo puwo kepada pomilek segala pujo, yang kaleuh geuciptakan bumo dengan segala yang na di dalamnya, laot-gunong, binatang, lat batat-kaye bate, dan manusia sebago sebaik-baik hasil ciptaan. “laqad khalaqnaakum fi ahsani taqwim.” Yaitu, Allah ‘azza wajalla. 

Allah yang kaleuh neu utus sidro peusuruh gopnyan, untuk geubri teladan bagi geutanyo banbandum, tentang pakriban tata cara taturi Allah, kriban cara ta sembah Allah, kriban cara tabahagia hudep dan mate. Nakeuh sidro pemuda utusan yang bergelar Al-Amin nyan, bernama Muhammad bin Abdullah. Shallu alaihi wa’ala alihi wasahbihi wasallam. Seulaweut dan saleum sabe-sabe dan saban-saban geutanyo kirem kepada penghule janjungan, beserta keluarga, sekalian sahabat siseulingka. 

Kaum muslimin banbandum yang neugaseh oleh Allah. 

Keta’dhiman uloen tuwan kepada gure geutanyo: (….) Kepada (…) Kepada (..) Dan lom leuh nyan kepada banbandum rakan loen yang ka neuhadir nibak tempat yang mubahgia nyo. Semoga geutanyo banbandum neuridha oleh Allah untuk saban-saban ta meuhimpoen di Surga, sebagaimana uronyo. 

Dalam kesempatan singkat nyo, neuizinkeuh uloen tuwan neuk sampaikan saboh soalan hudep. Di mana soalan nyo keuh yang sedang terjadi di lingkungan geutanyo uronyo. Yaitu: Gaseh Salah Meuphom, atau meunyo takheun bahasa laen jih; Cinta Gagal Paham

Beutasadari oleh geutanyo banbandum bahwa, pomilek dari pada gaseh nyan nakeuh Allah ta’ala. Allah neubri rasa gaseh meugaseh bak manusia, bahkan bak hewan sekalipun. Saling sayang dua dro ureung cik, ureung cik sayang keu aneuk, guru sayang keu murid, murid sayang keu guru dan begitu-begitu lainnya. 

Maka dari pada nyan, meuseubab gaseh meu asai dari Allah, hendaklah ta meubut gaseh-meugaseh nyan ateuh peu-peu yang geuridha oleh Allah. Gaseh yang buken karena Allah, maka ta tinggaikan. Sering ta kaleun dalam siuro-uro, loen boh saboh tamsilan: Dikutika sidro-dro aneuk dilake sipeu-peu bak ureung cik, karena sayang, dum peu geupeuturot. Tanpa geukaji dile, pukeuh Allah ridha atawa hana ateuh but nyan. Dikutika aneuk handitem sembahyang, karena sayang, han geupaksa, han geupoh, tapi geubiarkan. Nyan keuh yang lage nyan yang loen maksud buno bak judul: Cinta Gagal Paham. 

Meusalah that ureung cik yang lage nyan cara geusayang. Meuno, meuseu ta teukeudi, dalam saboh reumoh yang sedang tutong, di dalam nyan na sidro aneuk yang teungeut, pasti ureung cik akan geuilah daya, geupeugo dan geubahu aneuk nyan nyak bek tutoeng, nye meunan? Meunyo ta bandeng apui totong rumoh dengan apui Nuraka, so leubeh kha, rakan? Neujaweub! “Teunte lebeh kha apui Nuraka.” Nah, meuseubab meunyo hana ta ibadah keu Allah maka akan geu teut lam apui nuraka, semestinya ureung cik buno geupaksa aneuk gopnyan nyak ditem sembahyang, geu ilah daya, beuleubeh brat nibak geutakot tutong ngeun apui donya. 

Meunan cit, nibak pendidikan. Miseu ureung cik sayang keu aneuk, semestinya hal yang paling geuutamakan adalah pendidikan agama. Peuturi Tuhan. Nyan yang paling utama. Sebab nyan yang neuyu le Allah; 

“Uthlubul ‘Ilmu faridhatan fi kulli muslimin wa muslimat” (Tuntut ilme wajib bagi tiep ureung islam inong dan agam). 

Ilme peu yang wajeb nyan, syedara? Tente ilme agama. Bukan ilme muenari, bukan ilme meu’en bola, ilme peh tem, ilme bahasa nyo bahasa jeh, les nyo les jeh, yang peulazat tanyo dengan donya. Meuseu na ureung cik yang peuturot donya keu aneuk, tanpa peduli akhirat, nyan biet-biet rugo. Cinta Gagal Paham ju takheun. Sebab sayang bukon dibina ateuh sayang Allah. 

Kaum muslimin banbandum yang mubahgia. Allah sayang geutanyo. Kebajikan yang tanyo pubut bukeun keulaba Allah. Dan Allah han rugo disaat tanyo han tatem ibadah. Hakikat banbandum nyan adalah keu geutanyo. Peu yang ta upaya, nyan yang neu balah. Maka hendaklah ta gaseh meugaseh ateuh dasar keridhaan Allah, semoga beu neubalah dengan surga. Amin ya Rabbal Alamin 

Loen rasa ‘ouh no keuh manteung yang jeut loen sampaikan. Kureung dan leubeh loen lake meu’ah. Neumaklum! loen umu manteng ubeut, manteng le harus berbenah. Meunyo na haba loen yang meu faidah, neucok bacut sapo. Yang hana meufaidah, neu keubah, bek teupuwo. Akhiru kalam, billahi taufiq wal hidayah. 

Assalamu’alaikum warahmatullahi wabarakaatuh.

12 Responses to "Teks Pidato Cilik dalam Bahasa Aceh: Gaseh Salah Meuphom"

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel